鳳園打蝶

好耐好耐未影相了，前幾日俾同事撩起，就周六去影相喎。雖然係大熱天時(34'c)，但我見係大埔鳳園咁近，佢又部相機俾我，所以就算係一朝早(7:30am@大埔) ，我都跑了出來。
上一次去鳳園，已經係05年年尾了，今次係入口有個保育中心，要收入場費$20，不過見佢開始有規劃咁管理，所以都應該俾的。同上次唔同，不是電子機，所以都花左點時間去適應。對住d 花花草草，我開始懷念我以前枝100mm macro 鏡了。
雖然我地九點前就到，但可能太熱了，那些蝴蝶已經好活躍，手動機更難補捉。未夠十一點，因為太熱了，我地就離開鳳園。太早起身的確有點辛苦，但見玩左好一陣，都未到中午時間，還有成個下午做其他野，都覺值得。












































---